sudoku

SUDOKU

Sudoku (数独, sūdoku?), uga dikenal minangka Number Place utawa Nanpure, iku sajinis teka-teki logika. Angkahé kanggo ngisi angka-angka wiwit saka 1 nganti 9 ing sajroning jaring-jaring 9×9 sing dumadi saka 9 kothak 3×3 tanpa ana angka sing padha ing larikan, kolom utawa kothak. Sepisanan kababr ing sawijining koran Prancis ing taun 1895 lan mbokmanawa dipengaruhi déning matematikawan Swiss Leonhard Euler, sing agawémisuwur Latin square.
Versi modern dolanan iki diwiwiti ing Indianapolis taun 1979. Banjur dadi misuwur manèh ing

Jepang taun 1986, nalika penerbit Nikoli nemokaké teka-teki iki sing diripta déning Howard Garns.
Jeneng "Sudoku" kuwi cekakan basa Jepang saka "Suuji wa dokushin ni kagiru" (数字は独身に限る, "Suuji wa dokushin ni kagiru"?), tegesé "angka-angkané kudu tetep tunggal".
JENIS

Senadyan Sudoku kanthi 9 x 9 kothak sing kabagi dadi 3 x 3 blok minangka jinis sing paling umum, nanging sejatiné akèh jinis utawa varian liyané kayata 4x 4 sing kabagi dadi 2x2 blok, kothak 5x5 kanthi blok pentomino yakuwi blok sing dumadi saka limang kothak singkagandhèng lan wanguné werna-werna). Ana uga kothak 7x7 sing kabagi jroning blok-blok wolung kothak (heptomino)
Jinis liyané (sing luwih rumit) antara liya kothak 16x16 kanthi isian angka/aksara 1 nganti F (angka hexadesimal). Banjur ana manèh Mini Sudoku ( 6x6 kanthi 3x2 blok), Killer Sudoku, Hyper Sudoku, Extreem Sudoku, Diagonal Sudoku, Squiffy, Sudoku Alfabet, Su Moji, Sum Sudoku, Cryptogram Sudoku, Circular Sudoko, Assembling Sudoku, Pathfinder, Kakuro lan liya-liyané.

Sumber:http://jv.wikipedia.org/wiki/Sudoku